Samsæriskenning eða framtíð Íslands?
Í meira en áratug hafa bæði fræðimenn og stjórnmálamenn fullyrt að hugmyndin um hin miklu útskipti (The Great Replacement)—það að Evrópumönnum verði smám saman skipt út fyrir innflytjendur—sé ekkert annað en hugarburður hægriöfgamanna.1 Þeir gerðu grín að hugmyndinni og flokkuðu hana sem samsæriskenningu afturhaldssamra þjóðernissinna sem skorti elju og kjark til að mæta breytingum nútímans. En á meðan góða fólkið hló þróuðust tölurnar á annan veg. Í dag eru erlendir ríkisborgarar orðnir meira en 20% af íbúum Íslands—og nú hafa kjánalætin breyst í yfirlæti, þar sem okkur er sagt að útskipti þjóðarinnar séu ekki aðeins raunveruleg heldur beinlínis æskileg:
„Ég vil Ísland með mörgum útlendingum … Þar sem eru fleiri staðir sem bjóða upp á skemmtilegan mat.“ — Þórdís Kolbrún R. Gylfadóttir, fjármálaráðherra2
„Við viljum sjá Ísland þróast í fjölbreyttara samfélag.“ — Eygló Harðardóttir, félags- og jafnréttismálaráðherra3
„Við höfum allar forsendur til að búa fólki hér nýja veröld, við höfum tekið á móti fólki og verðum að halda því áfram.“ — Guðni Th. Jóhannesson, forseti Íslands 4
Hvernig getur eitthvað verið samsæriskenning sem á sér enga stoð í raunveruleikanum og um leið jákvæð þróun sem okkur ber að fagna?
Hin mikla þögn
Gögn frá Hagstofu Íslands staðfesta að ef þróunin heldur áfram munu Íslendingar verða minnihluti í eigin landi innan 50 ára.56 Samkvæmt rannsókn Gylfa Magnússonar hagfræðings verður aðeins um þriðjungur íbúa Íslands af íslenskum uppruna árið 2100—70% verða af erlendu bergi brotnir.7
Hin miklu útskipti eru því ekki öfgafull samsæriskenning heldur einfalt reikningsdæmi þar sem fólksfjölgun á Íslandi byggist nú aðallega á innflutningi útlendinga, ekki fjölgun innfæddra. Á sama tíma halda Íslendingar áfram að flytja úr landi og fæðingartíðni er í sögulegu lágmarki.
Þrátt fyrir þessa mestu umbyltingu sem orðið hefur á íslensku samfélagi í þúsund ár ríkir þöggun um afleiðingarnar. Hvað þýðir þetta fyrir skóla barna okkar, tungumálið, réttarkerfið og íslenska menningu? Enginn segir neitt. Það ríkir þögn.
Þetta eru ekki aðeins hin miklu útskipti sem eru að eiga sér stað, heldur einnig hin mikla þögn.
Hvaða maður kemur í manns stað?
Samkvæmt gögnum frá dómsmálaráðuneytinu eru útlendingar á Íslandi tífalt líklegri en Íslendingar til að lenda í fangelsi8 og að minnsta kosti sex sinnum oftar grunaðir um kynferðisbrot.9 Meira en helmingur þeirra sem þiggja bætur hjá Vinnumálastofnun eru erlendir ríkisborgarar10 og þeir eru sexfalt líklegri en innfæddir til að þurfa á fjárhagsaðstoð sveitarfélaga að halda.11
Hvað gerist í velferðarríki eins og Íslandi þegar skattfé almennings þarf að standa undir bæði ört vaxandi hópi aldraðra og fjölmennum hópi innflytjenda með litla sem enga atvinnuþátttöku? Undanfarinn áratug hefur aukinn kostnaður vegna innflytjenda sligað velferðarkerfin m.a. í Danmörku, Þýskalandi og Hollandi, minnkað samheldni og aukið félagslega spennu.1213 Ísland er engin undantekning, við erum þegar farin að finna fyrir áhrifum fjölgunar útlendinga þar sem innviðir samfélagsins nálgast þolmörk.
Hver mun sjá um umönnun aldraðra þegar fram líða stundir? Verður það fólk sem deilir gildum okkar, tungumáli og sögu—eða verður það einhver yfir höfuð?
Fæðingartíðni
Fæðingartíðni á Íslandi er í sögulegu lágmarki.14 Íslendingar fjölga sér ekki í óöruggu umhverfi. Frasi eins og „ég vil ekki fæða barn í svona hræðilegan heim“ er meira en bara klisja—hann endurspeglar veruleika ungs fólks sem upplifir sig sem gesti í ókunnu landi.
Umhverfi skiptir sköpum fyrir frjósemi Íslendinga sem þurfa félagslegan stöðugleika og öryggi til að geta dafnað og fjölgað sér. En meðan bæjarfélög sundrast vegna átaka milli ólíkra hópa eru ungar fjölskyldur skattlagðar í auknum mæli til að fjármagna úrræði sem þjóna fyrst og fremst útlendingum. Hvernig getur ungt par stofnað fjölskyldu þegar skattfé þess fer í velferðarkerfi fyrir fólk frá þriðja heiminum sem vill ekki vinna?
Stolin framtíð
Ef svo fer sem horfir munu Íslendingar einangrast og enda sem minnihlutahópur í eigin landi, umkringdir af óvinveittum aðkomumönnum. Allt sem við þekkjum mun smám saman hverfa. Ef við verðum heppin verða minningar okkar ef til vill varðveittar á söfnum, þar sem sérvitrir fræðingar í horfnum þjóðum munu bera fram nöfn okkar á erlendri tungu. Ísland, sem einu sinni var okkar ættjörð, verður landsvæði útlendinga sem hvorki skilja né hafa áhuga á að varðveita arfleifð okkar. Þeir munu erfa byggingar, innviði, auðlindir—en ekki andann sem byggði Ísland.
Við munum aldrei sigra frjósemiskapphlaupið við þriðja heiminn en við getum engu að síður valið að varðveita okkar eigin tilveru. Fyrsta skrefið er að opna augun fyrir því sem er að gerast. Næsta skref er að endurheimta Ísland sem heimkynni Íslendinga, þar sem þeir geta lifað og dafnað, elskað og stofnað fjölskyldur. Það ætti að vera algjör óþarfi að sannfæra Íslendinga um að þeir eigi rétt á sinni eigin framtíð—jafn óþarft og að sannfæra menn um að betra sé að lifa en að deyja.
Við erum afkomendur þeirra sem rituðu Íslendingasögurnar og varðveittu norræna goðafræði. Við erum aðeins 300 þúsund manns. Í samanburði við 15 milljónir Palestínumanna, 23 milljónir Sýrlendinga og 37 milljónir Pólverja er tilvist íslendinga hverful. Það þarf ekki kjarnorkustríð til að útrýma íslendingum—aðeins þögn, hin mikla þögn nægir til að greiða leið fyrir hin miklu útskipti.
Eiríkur Bergmann, „Íslendingar ginnkeyptir fyrir pólitískum samsæriskenningum,“ Vísir, 2. september 2024.
Snorri Másson, „Bjarni hafi opnað landamærin og kvarti nú yfir fánum á Austurvelli,“ Ritstjórinn, 13. febrúar 2024
Eygló Harðardóttir „Snýst um fólk, ekki vandamál,“ Morgunblaðið, 12. október 2016.
Guðni Th. Jóhannesson, „Ekkert að óttast í innflytjendamálum ef við sýnum skynsemi og mannúð,“ Kjarninn, 2. júlí 2016
Fjármála- og efnahagsráðuneytið, Langtímahorfur í efnahagsmálum og opinberum fjármálum, mars 2025. stjornaradid.is
Hagstofa Íslands, Mannfjöldaspá 2020–2069, Hagtíðindi: Mannfjöldi, 105. árg., 19. tbl., 17. desember 2020
Gylfi Magnússon, „Lýðfræði Íslands án innflytjenda,“ fyrirlestur fluttur á ráðstefnu Þjóðarspegilsins, Háskóli Íslands, Reykjavík, nóvember 2024
Fangelsismálastofnun, „75% gæsluvarðhaldsfanga voru útlendingar,“ Morgunblaðið, 8. janúar 2024.
Dómsmálaráðuneytið, „Nær tvöfalt fleiri útlendingar grunaðir um kynferðisbrot,“ Morgunblaðið, 5. júlí 2024.
Vinnumálastofnun, „Atvinnuleysi eftir ríkisfangi 2024,“ Mælaborð um atvinnuleysi
Finansministeriet, Indvandreres nettobidrag til de offentlige finanser i 2019: Revideret udgave, Økonomisk Analyse, september 2023. København: Makropolitisk Center, Finansministeriet. ISBN: 978-87-94088-67-1.
Jan H. van de Beek, Hans Roodenburg, Joop Hartog og Gerrit W. Kreffer, Borderless Welfare State: The Consequences of Immigration for Public Finances, þýð. Maria Kamphuis og Jan H. van de Beek, 2. endurskoðuð útgáfa (Zeist: Demo-Demo, 2023)
Hagstofa Íslands, „Fæðingar 2024,“ Fréttasafn, 17. júlí 2024.